காத்திருப்பு ஜெபம் விடுதலையளிக்கும் விசுவாச தியானம் ஆகும்

காத்திருப்பு  ஜெபம்  விடுதலையளிக்கும்  விசுவாச தியானம் ஆகும்


மாணவர்கள்  பரிட்சைக்குப்பின்  தேர்வின்  விடைக்காக  காத்திருக்கிறார்கள்.
பட்டம்  பெற்றவர்  நல்ல  ஓர்  வேலைக்காக  காத்திருக்கிறார்கள். மணமகனும்  மணமகளும் திருமண நாளுக்காக காத்திருக்கிறார்கள். திருமணமானவர்கள்  தங்கள் குழந்தைளுக்காகவும் அவர்களின் வாழ்வின் வளர்ச்சிகளுக்காகவும் வால் நாளெல்லாம்  வழ்ந்திருக்கிறார்கள். இப்படியாக மானிட வாழ்வு ஒரு காத்திருப்பு வாழ்வாகும் .

காத்திருப்பில் நம்பிக்கையுண்டு, காத்திருப்பில்  பலனுண்டு, காத்திருப்பில் சாதனையுண்டு , காத்திருப்பில் சோதனையுண்டு , காத்திருப்பில்  சஞ்சலம் உண்டு , ஆனால் காத்திருப்பில் இறைவன் துணையுண்டு .
காத்திருப்பில் இலக்கு உண்டு, காத்திருப்பில் இனிமையுண்டு , காத்திருப்பில் எதிர்பார்ப்பு  உண்டு , காத்திருப்பில் திடன்  உண்டு , காத்திருப்பில் திருப்தியுண்டு , காத்திருப்பில் உழைப்பு  உண்டு , காத்திருப்பில் அனுசரணையுண்டு, காத்திருப்பில் பொறுமையுண்டு , காத்திருப்பில் அன்பு  உண்டு , மேலும்  காத்திருப்பில்  ஆழமான  விசுவாசமுண்டு.

காத்திருப்பில்  ஆழமான  விசுவாசம்  நிறைந்த  ஜெபம் உண்டானால்  அஃது  ஓர் பலமான  அருள்வரம் ஆகும் . காத்திருப்பு  ஜெபம்  விடுதலையளிக்கும்  விசுவாச தியானம் ஆகும். காத்திருப்பு  ஜெபம் இறைவனின்  சித்தத்தில்  தனி மனித  ஆன்மாவை  வழி  நடத்தும்  வல்லமையான  ஜெபம்  ஆகும் . காத்திருப்பு  ஜெபம் ஓர் தொடர்  ஜெபமாக  அமையும்போது  அஃது  ஒருவரின்  வாழ்வை  ஓர் ஜெப  வாழ்வாக  மாற்றும் அற்புத ஜெபம்  ஆகும் .

காத்திருப்பு  ஜெபம் நம்  பாரம்பரியம்  ஆகும் . தானியேலின்  காத்திருப்பு  ஜெபம் சிங்கத்தின்  வாயினின்று விடுதலையளித்தது . தானியெலின்   நண்பரின் காத்திருப்பு  ஜெபம், எரி  நெருப்பு  சூளையிலிருந்து  காத்தது. ஆபிரகாமின்  காத்திருப்பு  ஜெபம்  அவரின்  சந்ததி  தந்தது  மேலும்  காத்தது. யாக் கோபின் காத்திருப்பு  ஜெபம் உரிமையையும்  விடுதலையும்  தந்தது. தாவீதின்  காத்திருப்பு  ஜெபம்  விசுவாச  வெற்றியை  ஈந்தது , கோலியா த்திடமிருந்தும்  காத்து, கோலியாத்தை வீ ழ்த்தியது. இப்படியாக அநேக  உதா ரணங்கள் விவிலியத்தில்  நாம்  காணலாம் . எல்லா  உதாரண  ஜெபங்களிலும் இறைவனின்  அன்பும் , நம்பிக்கையும் , சமாதானமும், அரவணைப்பையும் , உதவியையும்  நாம்  காணலாம். எல்லா  ஜெபங்களிலும்  இறை  பிரசன்ன வழி  நடத்துதலையும், பராமரிப்பையும்  நாம்  காணலாம் . எல்லா  ஜெபங்களிலும்  இறைவனின்  சித்தமான  விடுதலை  அருள் பலானாக நாம்  காண்கின்றோம் .இதனால் காத்திருப்பு  ஜெபம்  விடுதலையளிக்கும்  விசுவாச தியானம் ஆகும்.

காத்திருப்பு  ஜெபம்  நம்  பாரம்பரியம்  ஆகும் . நவநாள்  ஜெபங்கள் காத்திருப்பு  ஜெபத்திற்கு  ஓர்  எடுத்துக்காட்டாகும்.

        

பாடல்களினால் ஜெபித்தல் இருமுறை ஜெபித்தல் ஆகும் ( Praying through songs: singing once is equal to praying twice)

பாடல்களினால் ஜெபித்தல் இருமுறை ஜெபித்தல் ஆகும்

பாடல்கள் நம் திருச்சபையின் வழிபாட்டுகளில் முக்கிய அம்சம் ஆகும் . ஒருமுறை  பாடுவது இருமுறை ஜெபிப்பதற்கு  சமம் என்பது வழக்கு. பாடல்களினால் ஜெபசிந்தனைக்குள் நுழைவது மிகவும் இயல்பான ஓர் அற்புத ஜெப அனுபவம் ஆகும்.

பெரியசாமிபுரம் என்னும் சிறிய கிராமம் நான் பிறந்த ஊர் ஆகும் . அங்கே  திருவிழா நாட்களில் இருதைய அன்னைக்கு பதம் என்னும் ஓர் அறிய அருமையான பாடல் பாடுவார்கள் . மூன்றாம்  வகுப்பிலிருந்து  பாடல்  குழுவில் பாடும்  நான் அங்கே அன்னையின் ஆலயத்தில் பல பாடல்கள் பாடிய அனுபவம்  உண்டு . அந்த அனுபவங்கள் எப்போதும் என் நினைவில் நின்றவை.  ஆனால்  பெரியவர்கள்  சேர்ந்து  பாடும் பதம்  எப்போதும் என் மனதில் பதிந்த ஜெபம்  ஆகும். மக்கள் எல்லோரும்  சேர்ந்து  உள்ளம் உருகப்  பாடும் இந்த அற்புத ஜெபம் , மிகவும் சக்தி வாய்ந்த ஜெபம் ஆகும் . இப்போதும்  என் தேவைகளில் இருதய அன்னையின் படத்தின் முன்னால் நின்று  நான் ஜெபிக்கும்  ஜெபம் ஆகும் . இருதய அன்னையின் குழந்தையான  நான் படிப்பிற்காக என்  11 வயதில் வெளியே  வந்தாலும் , உலகெல்லாம் அன்னையின் அருளால் நான் பயணித்தாலும் , என் குளந்தை உள்ளம் என்றும்  என்  இருதய அன்னையின்  பாதம் சமர்ப்பணம் ஆகும் .

உலகில் பல நாடுகளில் பயணம் செய்துள்ள  எனக்கு  , அங்கு  உள்ள பங்கு  ஆலயங்களிலும் பாடல் குழுவில்  பாடும்  பாக்கியத்தை  இறைவன்  அருளியுள்ளார். பாடும் போது  நாம்  மனதையும் , உள்ளதையும் , உடலையும் , உணர்வையும், ஆவியையும், தெம்பையும் , ஆன்மாவையும்  ஒன்றாக  இணைத்து இறைவன்பால் ஜெபிக்கின்றோம். பாடும்  போது  மேற்சொன்ன எல்லா  அங்கங்களும் இணைந்து   செயல்படுவதை  நாம்  உணரலாம்.

பாடல்களால் இறைவனை துதிக்கத் தகுந்த ஜெப வாய்ப்பை பெறுகின்றோம். துதியினால் விடுதலை கிடைக்கும் என்பது விவிலியக்  கூற்றாகும். பாடல்கள் மன  உருக்கமான  ஜெபங்களை இறைவனிடம் எழுப்புவதற்கு ஏற்ற  அருள் கருவியாகும். பாடல்களால்  இறைவனுக்கு நன்றி  கூறுவது  மிகவும்  எளிய மேலும்  வல்லமையான  ஜெபம்  ஆகும். இறைமக்களோடு சேர்ந்து  பாடி  ஜெபிப்பது  ஓர் வல்லமையான  ஜெபம்  ஆகும் . பாடும்  உதடுகள், பாடும்  நாவும்  நன்றியுடைய உள்ளத்தின்  வெளிப்பாடுகள்  ஆகும்.  பாடல்களில் ஜெபிப்பது  நம்  கத்தோலிக்க   பாரம்பரியமும் ஆகும்.  பாடல்களில்  ஜெபிக்கும்போது நாம்  நம்மை  இறை  பிரசன்னத்திர்குள் நம்  முழு  மனதோடு  சமர்பிக்கின்றோம். இதனால்  நாம்  இறைபிரசனத்தால்  தேற்றப்பட்டு, மன  அமைதி  பெறுகின்றோம் .

பாடல்களில்  ஜெபித்தல்  துன்பத்தில் , இக்கட்டு  வெளைகளில் விடுதலை பெற்றுத்  தரும்  ஓர்  அருள்  வரம்  ஆகும் .பாடும் போது நாமும் ஜெபித்து மற்றவர்களையும் ஜெபிக்க தூண்டுகின்றோம். இதனால் ஜெபம் இரட்டிப்பு  ஆகின்றது . தாவீது  அரசன்  பாடல்களினால்  சவுலின் துன்பம் விலகியது , மேலும்  தாவீது  வெற்றி  பெற்றார் . இறைவனுக்கு  மிகவும் நெருங்கிய  நண்பராகும்  பேறுபெற்றார். சின்னப்பரும் ராயப்பரும்   ஜெயிலில் பாடல்களால் ஜெபித்தார்கள்  . அதனால் இறைவனால்  அற்புதமாக விடுதலை  பெற்றார்கள் .  ஜோசுவாவின் பாடல்களால்  எரிக்கோ  மதில்கள்  உடைந்தன. இதனால்  இஸ்ரேல்  காப்பாற்றப்பட்டார்.

பாடல்  குழுவில் சேர்ந்து  பாடுவது  ஓர்  அருள்  பணியாகும். பங்கு  மக்களின்  ஆன்ம வழிபாட்டுக்கு  உதவும் ஓர்  அரிய  பணியாகும் . விண்ணகத்தை  மண் ணகத்திற்கு  கொண்டு  வருவதற்கு ஏற்ப  இறை அநுபவத்தை  இறை  மக்களுக்கு அள்ளித்தரும்  ஓர்  வரப்ரசாதம் ஆகும். பாடல்  குளுவில்   பாடுவது  ஓர்  இறை  பணியாகும். இதனால் இம்மையிலும் மறுமையிலும் பயன் பெறுவோம் என்பது உறுதியாகும்.

பாடல்கள்  தனி  ஜெபத்திலும் , குழுவாக ஜெபிக்கவும் உதவும்  ஓர்  அருள்  கருவியாகும். தனி    ஜெபங்களில்  பாடல்கள் உடல் , உள்ள , அன்ம  பலன்கள் பெற்றுத் தருபவையாக அமைகின்றது. குழுவாகப்  பாடும் போது திருச்சபைக்கே பலன்  வாய்க்கச்  செய்யும் அருள்  வரம்  ஆகின்றது.

இறை பாடல்களை கேட்டுப்  பயனடையும்  போதும் ஜெப சிந்தனை  மேலோங்குவதை  நாம்  உணரலாம். இதனால் பாடல்கள்  பாடும் போதும்  கேட்கும் போதும்  ஜெபமாக  மாறுகின்றது. இதனால்  அருள்  பலன்  இருமடங்காகிறது   என்று  அறிகின்றோம்.
   பாடல்களினால் ஜெபித்தல் இருமுறை ஜெபித்தல் ஆகும். பாடல்களால்  இறைவனை  துதிப்போமாக.

தமிழ் பாடல்கள்
https://www.youtube.com/watch?v=hPkbMj0cGGs&index=8&list=PL398E49CEA0877DA9

http://vailankannishrine.tv/livetv.aspx

http://vailankannishrine.tv/livetv.aspx

ஆண்டவரின் இரக்க ஜெபமாலை வல்லமையான ஜெபம் ஆகும் .

ஆண்டவரின் இரக்க ஜெபமாலை வல்லமையான ஜெபம் ஆகும் . நெருக்கடி நேரங்களில் கைகொடுக்கும் ஓர் அற்புத ஜெபம் ஆகும் . இந்த ஜெபம் இறைவனின் சித்தத்தை அறிய உதவும் ஜெபம் ஆகும் . இரக்க ஜெபம் நம்மையும், நம் தேவைகளையும் , நம்மை  சார்ந்தவர்களையும் இறைவனின்  சித்தத்திற்கு கையளிக்க உகந்த அற்புத ஜெபம் ஆகும்.

 இந்த ஜெபம் எங்கும் எப்போதும், எவ்வேளையிலும்  ஜெபிக்க தகுந்த ஜெபம் ஆகும் . இந்த ஜெபத்தை ஜெபிக்கும்போது  மனதில் அமைதி உண்டாகும், உள்ளத்தில்  எழுச்சி உண்டாகும், தியான ஆன்மீகம்  மலரும் , மன்னிக்கும் மனப்பான்மை  உண்டாகும், மனக்கலக்கம்   நீங்கும் , பகைகள்  நீங்கும் ,அன்பு  மலரும் . ஜெபித்து  பயன் பெறுவோம் .

நம் திருச்சபைக்காகவும் , அதன் தலைவர்களுக்காகவும் , நம் திருதந்தைக்ககவும் , நம் குடும்பங்களுக்கவும் தினமும் ஜெபிப்போம் !

Note:
The above song represents veneration for all the Popes. The song was recorded during Pope Benedict reign.

The above song is  a traditional song for Pope

s

The above song is the favorite song of Cardinal Lourdusamy, a Tamil Cardinal, on Mother Mary

இறைவனின் சித்தத்தில் ஜெபித்தல் இறைவனின் சித்தத்தை அறிய ஜெபித்தல் மனதிற்கு அமைதி தரும் அரும் மருந்தாகும்.

இறைவனின் சித்தத்தில் ஜெபித்தல் இறைவனின் சித்தத்தை அறிய ஜெபித்தல் மனதிற்கு அமைதி தரும் அரும் மருந்தாகும். ஆண்டவரே உம் சித்தம் நிறைவேரட்டும் என்று ஜெபித்தல் நன்மை  பயக்கும் சரணாகதி நிலையாகும். இந்த ஜெபம் இறை சித்தத்தில் நம் சித்தத்தை இணைக்கும் ஜெபம் ஆகும் . இந்த ஜெபம் குழந்தை உள்ளம் கொண்ட கள்ளமில்லா ஜெபம் ஆகும். இந்த ஜெபம் நம் புலன்களுக்கு அப்பாற்பட்ட இறை பிரசன்னத்தை வரவேற்கும் ஜெபம் ஆகும். இந்த ஜெபம் ஓர் அரிய வரம் ஆகும். ஏனெனில் இறைவனின் சித்தத்தை ஏற்கும் மனப்பான்மை மனித சித்தத்திற்கு அப்பாற்பட்டது. இன்பத்திலும் துன்பத்திலும் இறை சித்தத்தை நாடும் மனம் பண்பட்ட மனம் ஆகும்.

இத்தகைய ஜெபத்திற்கு முன்மாதிரிகை ஆண்டவராகிய எசுக்கிரிஸ்துவாகும். ஆண்டவர் தன் மானிட வாழ்வில் இறை பிரசன்னத்தில் வாழ்ந்தார் மற்றும் ஜெபித்தார் . குறிப்பாக கெத்சமனியில் இறைவனின் சித்ததிர்காக  ஜெபித்தார், அவர் தம் சீடர்களுக்கு சொல்லிக்  கொடுத்த பரலோக  மந்திரத்தில்  இறைவனின்  சித்தத்திற்காக  ஜெபிக்க கற்றுக்கொடுத்தார்.  மனிதனும் இறைவனுமான    ஆண்டவராகிய  ஏசுவுக்கே இறைவனின் சித்தத்தில் ஜெபிப்பது அவசியபட்டால் , மனிதராகிய  நமக்கு எவ்வளவு  அதிகம் இறைசித்தம் அவசியமான அருள் வரம் ஆகும். எங்கள் அப்பா எப்போதும்  இறைவனின் சித்தம் நடக்கட்டும் என்று சொல்வார். அஃது ஓர் அரிய வரம் ஆகும்.

ஜெபம் மனிதனின் உள்ளத்தில் இருந்து எழுந்தாலும் ஜெபத்தை தூண்டுபவர் நம்மில்  வாழும் பரிசுத்த ஆவியானவர் ஆகும் . ஜெபம் வாய்மொழி ஜெபம் , மனதின் வழி வெளிப்படும்  தியான ஜெபம் , மற்றும் வாழ்வின் எல்லா சூழ்நிலையிலும்  மனதை இறைவன்பால் உயர்த்தும் இறைவனோடு ஒன்றித்து வாழும் வாழ்வின் ஜெபம் என பலவகையாக அமைந்தாலும் , அவை  யாவற்றிலும் இறைவனின் தூண்டுதலும்  மனிதனின் ஒத்துழைப்பும் ஒருமித்து அமைந்துள்ளது. இதனால் எல்லா ஜெபத்திலும் இறைவனின் சித்தம் அமைத்துள்ளது . இன்னும் ஜெபிப்பதே இறைவனின் சித்தத்தை அறியும் முதல் படியாகும்.

இறைவனின் சித்தத்தில் , இறைவனின்  சித்தத்திற்காக ஜெபிப்பது, ஒருவர்  தம்  வாழ்வின்  சூழ்நிலைகளில் தம்  மனதையும் , உள்ளத்தையும் , உடலையும் , சிந்தனைகளையும் , செயல்பாடுகளையும், தனி மனித ஆளுகையையும்,  தனி மனித திட்டங்களையும் , தனி  மனித வல்லமையும் , தனி  மனித சுய சித்தத்தையும் இறைவனின் பாதத்தில் அர்ப்பணித்து, அமைதியாக  வாழ்வை எதிர்கொள்ளும் அற்புத நிலையாகும் . இஃது  ஒரு அரிய வரம் ஆகும் . இறைவனின் சித்தத்திற்காக ஜெபிக்கும் போது,  ஒருவர்  தம் கடமைகளை செய்து பலனை எதிர்பார்க்காத ஓர் அர்ப்பண வாழ்வை மேற்கொள்ளுகிறார். இஃது  ஓர் முதிர்ந்த பக்தியின்  பயணம் ஆகும்.

இறைவனின் சித்தத்தில் , இறைவனின்  சித்தத்திற்காக ஜெபிப்பது, ஓர்  வீரமான புண்ணியம் ஆகும் . இத்தகைய  ஜெபத்தில் ஒருவர் இருக்கும் போது  மனதில் அமைதி ஏற்படும் . இந்த அமைதி உலகம் தர முடியாத அமைதியாகும் . ஏற்மாறான  சூழ்நிலைகளிலும் ஒருவர் இந்த மன அமைதி ஓர்  முக்தியின்  நிலையை  சுவைக்கும் அமுதம்  ஆகும் . இந்த ஜெபத்தில்  ஒருவரின்  ஆன்மா  உலக காரியங்களுக்கு அப்பால் விடுதலை அடைகின்றது . இதனால் உலக சூழல்களில் இறைபிரசனத்தில்  அடைக்கலமடைகிறது. இதனால்  உலக தீமைகளிலிருந்து  விடுதலை பெறுகின்றது .

இறைவனின் சித்தத்தில் இறைவனின்  சித்தத்திற்காக ஜெபிப்பது ஓர் காத்திருப்பு  நிலையாகும் . அன்மா இறைவன்பால் ஈர்க்கப்பட்டு உடல் உள்ளம்  ஒன்றுபட்டு  வாழும் ஓர் தியான வாழ்வாகும் . இதனால் சுயம் மறைந்து இறைவன்  உள்ளத்தில் வாழ வழி பிறக்கிறது. இத்தகைய  நிலையில் மனிதன்  இறைவனின்  அற்புதங்களையும் , வெளிப்பாடுகளையும்  இவ்வுலகில்  தம்  வாழ்வில் கண்டு,  பக்தி  விசுவாச வைராக்கியம்  தம் வாழ்வில் வளர  காணும்  பாக்கியம் பெறுகின்றான். இந்த  தவ  நிலையான ஜெப  நிலையில் நிலைத்திருக்கும்  மனிதனின் ஆன்மா இன்பத்திலும் துன்பத்திலும் இறைவனோடு  வாழும் திடம் பெறுகின்றது . காணும்  இடமெல்லாம் இறை  பிரசன்னத்தை  உணரும் நிலையை  ஆன்மா அடைகின்றது. இதனால் அற்புதங்கள் அதிசயங்கள்  இறைவனின்  சித்தத்திற்காக ஜெபிக்கும் ஜெபத்தில்  வாய்க்கின்றது. மேலும் இறைவனின்  சித்தத்திற்காக ஜெபிப்பது  ஜெபத்தின்  பலன்  எதுவானாலும்   ஏற்றுக்கொள்ளும்  குழந்தை மனதை அளிக்கும் ஓர்
அற்புத ஜெபம் ஆகும். 

முதல் சனிக்கிழமை பக்தி ஓர் அருள் வரம் மற்றும் நம் பாரம்பரியம் ஆகும்

முதல் சனிக்கிழமை பக்தி ஓர் அருள் வரம் மற்றும்  நம் பாரம்பரியம் ஆகும் 

பருவமழை பொளியும் பருவ காலம். காலைப்  பனியும்  இதமான மாலைத் தென்றலும்  நமை வருடிதத் தரும் இனிமையான நவம்பர் மாதம்.  பெரியசாமிபுரம்  சுற்றியுள்ள பனையும், புன்னை காடுகளும் , அலையாடும்  காயல் கடலைகளும்  கவிபாடி இருகரம் விரித்து, இறைமகனை மன்றாடும்,  என்  அன்னை இருதயத்தாய் பாதம் பணியும் அருளின் நேரம். அன்றாடம்  அலுவல்கள் பல புரிந்து அன்னையின் பாதத்தில் அமர்ந்து  வாழும் எளிய மற்றும் இனிய மேலும் பக்தியில் திளைத்த மக்கள் வாழும் புண்ணிய பூமியில் வீ ற்றிருக்கும்  பங்கு பெரியசாமிபுரம் இருதயன்னை பங்கு ஆகும் . இங்கே , கிழக்கு , வடக்கு , மேற்கு மற்றும் தெற்கு திசைகள் எங்கும் அன்னையின் அருள் ஆழுகை ஆட்சி செய்யும் அற்புதம் கோடி . அதனை வார்த்தைகளில் எழுத முடியாத மகிமையுடையது  இருதய அன்னையின்  அழகு. 

இந்தப் பங்கில், கிழக்கு தெருவையொட்டி ஓர் அமைதியான வனம் அமைந்துள்ளது. அஃது தந்தை பர்னபாஸ் அமைத்த வளைவு வழியாய் தொடங்கி  பரந்து விரிந்த நந்தவனம்  போல் காட்ச்சி அளிக்கும் ஓர் அருள் வனம் ஆகும். அங்கே ஜெபமாலை அன்னையின் ஆட்சி அருள் மலரும் அன்பு  வனம் ஆக அமைந்து இருப்பது , ஜெபமாலை  அன்னை  ஆலயம். இந்த ஆலயத்தை வருடம் ஒருமுறை நான் சென்று தரிசித்து பயனடைவது வழக்கம். இந்த  புனித ஆலயத்தில் ஓர் அமைதி நம்மை தேடித்  தழுவிக் கொள்ளவதை  நாம் அனுபவிக்கலாம். அன்னையின் பிரசன்னத்தை  நாடி  அக்கம்  பக்கம்  இருந்து  எளிய மக்கள் வந்து போவது  வழக்கம் . போனமுறை  நான்  சென்ற போது  அன்னையின் ஆலயத்தில் பங்கு மக்களும் குருவும்  சேர்ந்து ஜெபமாலை அன்னைக்கு செய்யும் முதல் சனிக்கிழமை பக்தி கொண்டாட்டத்தில் கலந்து கொள்ளும் ஓர் அரிய சந்தர்ப்பம் கிடைத்தது .அருமையான  முதல் சனிக்கிழமை பக்தி கொண்டாட்டம். மாலை ஜெபம் , பாட்டுத்  திருப்பலி , ஜெபமாலை , சிலுவைப்பாதை  அருள் கொண்டாட்டங்கள் அன்னையின் அருளை அள்ளித்தரும்  ஓர் வரப்பிரசாதமாக அமைகிறது .  அதன்பின்  மக்கள் ஒன்றாக அமர்ந்து அன்னையின் பாதத்தில் சமபந்தி போசனம் செய்கிறார்கள். மிகவும் ரம்மியமான நிகழ்வு , என்  மனதில்  நின்ற  ஓர் அருளின்  நேரம்.  இந்த  அரிய நிகழ்ச்சி அங்கே ஒவ்வொரு  முதல் சனிக்கிழமைகளில் நடக்கின்றது. 

முதல் சனிக்கிழமை பக்தி முயற்சிகள் நம் பாரம்பரியம் ஆகும் . முதல் சனிக்கிழமை பக்தி பலவகையான  ஆன்ம காரியங்களையும்  பலன்களையும் அள்ளித்தரும்  ஓர்  வழிபாடு ஆகும். திருப்பலி  காண்பது,  ஜெபமாலை  ஜெபிப்பது, மற்றும்  பாவசங்கீர்த்தனம்  செய்வது  முதல் சனிக்கிழமை பக்தி  முயற்சிகளாக  புனிதர்களும் நம் முன்னோர்களும்  கடைப்பிடித்தார்கள். நாமும்  முதல் சனிக்கிழமை பக்தி கொண்டாட்டங்களில் கலந்து பயன் பெறுவோம்.

இந்த மாதம் முதல் சனிக்கிழமை இங்கு அமெரிக்க  நகரம் மெம்பிஸில் நாங்கள் மக்நிபிகாட் நாள் கொண்டாடினோம்.  

முதல் வெள்ளி பக்தி : இயேசுவின் திரு இருதய ஜெபம் நம்பிக்கையூட்டும் ஜெபம் ஆகும் : நம் திருச்சபையின் பாரம்பரியம்

முதல் வெள்ளி பக்தி : இயேசுவின் திரு இருதய ஜெபம் நம்பிக்கையூட்டும் ஜெபம் ஆகும் : நம் திருச்சபையின் பாரம்பரியம் 

முதல் வெள்ளி பக்தி : இயேசுவின் திரு இருதய ஜெபம் நம்பிக்கையூட்டும் ஜெபம் ஆகும் : நம் திருச்சபையின் பாரம்பரியம் ஜெபமும் ஆகும் . முதல் வெள்ளி பக்தி முயற்சிகளாக, பல்வேறு தவ முயற்சிகள் பயனில் உள்ளன . அவை யாவும் உடலுக்கும் , மனதிற்கும் , அன்மாவிற்கும் நம்பிக்கையும் , தெம்பும் தருகின்ற அரும் மருந்தான அருள் வரங்கள் ஆகும்.

முதல் வெள்ளி ஒருத்தல் இருந்து ஜெபிப்பது பக்திமான்களின் பழக்கம் மட்டுமில்லாது , அஃது வேண்டும் வரங்களை பெற்றுத் தரும் அருள் கருவியாக அமைகின்றது . தானியேல் தான் வேண்டும் வரங்களுக்காக ஒருத்தல் இருந்து ஜெபித்தார் . நமதாண்டவர் யேசு கிறிஸ்து நாற்பது  நாள் உபவாசம் இருந்து ஜெபித்தார். உபவாச  ஜெபம் சாத்தானை  ஜெயிக்கும் வல்லமையான ஜெபமாகவும் அமைகின்றது . இதனால் மாதம் ஒருமுறை முதல் வெள்ளியன்று  உபவாசம்  இருந்து ஜெபிப்பது சாலச் சிறந்த புண்ணிய பழக்கம் ஆகும்.

முதல் வெள்ளியன்று திருப்பலி  கண்டு  நன்மை வாங்குவது  நம் பாரம்பரியம்  ஆகும் . ஜெபங்களில்  சிறந்த ஜெபம் திருப் பலியாகும். முதல் வெள்ளியன்று  திருப்பலி  காண்பது ஓர் சிறந்த புனித ஜெப வழக்கம் ஆகும். திருப்பலியில்  எசுக்கி றிஸ்துவோடு  அவர்தம் சிலுவைப் பாடுகளில் பங்கு கொள்ளும் போது , நம் பாடுகளும் அவரோடு இணைந்து , நம் சுமைகள் எளிதாக  வாய்ப்பு  பெறுகின்றோம்.

முதல் வெள்ளியன்று  சிலுவைப் பாதை தியானம் நம் பாரம்பரியம் ஆகும் . சிலுவைப்பாதையின் பதினான்கு ஸ்தலங்களிலும் , நம்மையும் நம் பாவங்களையும் இயேசு சுமந்ததை தியானிக்கும் போது நாம் மனம் மாறி பிறரை மன்னிக்கும் மன வல்லமையை பெற்றுக்கொள்ள வாய்ப்பு பெறுகின்றோம்.

முதல் வெள்ளியன்று பாவ சங்கீர்த்தனம்  செய்வது  நம் பாரம்பரியம் ஆகும் . மாதம் ஒருமுறையாவது முதல் வெள்ளியன்று ஒப்புரவு அருட்சாதனத்தில் பங்குபெற்று நமை நாம் பரிசுத்த ஆவியின் நண்பர்களாக அயத்தப்  படுத்துவது, நம் வாழ்வின் சூழல்களில் நம் தீர்மானங்களில் இறைவனின் சித்தத்தை அறிந்து நடக்க பலன் அளிக்கும். மேலும்  பாவ சங்கீர்த்தனம் நம் பாவங்களை  கழுவி நம் ஆன்மாவை சுத்தமாக மாற்றும் அற்புத ஆற்றுபடுத்தும் கருவியாகும். இதனால் உடல் உள்ள ஆன்மா சுகம் பெறுகின்றோம்.

  முதல் வெள்ளியன்று ஏழைகளுக்கு நம்மால் இயன்ற உதவி செய்வது மிகவும் நன்மை பயக்கும் அறப்பணியாகும். முதல் வெள்ளியன்று இயேசுவின் திரு இருதய பேரால் ஏழைகளுக்கு உணவு உடை அளிப்பது நம்  பாரம்பரிய பக்தி முயற்சிகளில் அடங்கும். இதனால் முதல் வெள்ளி பக்தி : இயேசுவின் திரு இருதய ஜெபம் நம்பிக்கையூட்டும் ஜெபம் ஆகும் : நம் திருச்சபையின் பாரம்பரியம் ஆகும் . ஜெபம் , தவம் , அறம் என்ற அருள் கனிகளால்  முதல் வெள்ளி பக்தியை  அலங்கரிப்போம்.

https://www.youtube.com/watch?v=AwBT57RbLlc


.

.

மரித்த ஆன்மாக்களுக்காக ஜெபிக்கும் ஜெபம் புண்ணிய ஜெபம் ஆகும்

மரித்த ஆன்மாக்களுக்காக ஜெபிக்கும் ஜெபம் புண்ணிய ஜெபம் ஆகும் . இந்த ஈகை  வாழும் விசுவாசிகளால் மட்டுமே இவ்வுலகில்  வாழும் போது ஜெபிக்க கூடிய விசுவாசிகளின் மன்றாட்டு  ஜெபம் ஆகும் . குறிப்பாக யாரும் நினையாத ஆன்மாக்கள் , குருக்கள் , கன்னியர்கள் , அனாதைகள்  ஆன்மா க்களுக்காக ஜெபிப்போம். நம் ஜெபங்களால்  அவர்களுக்கு இறைவனின் தயவை பெற்றுத் தருவோம் , அவர்களின்  விடுதலைக்காய்  தினமும் ஜெபிப்போம் . இதுவும் ஓர் மிசினரி பணியாகும்.


https://www.youtube.com/watch?v=8jzEDCGeZo0

கர்த்தர் கற்பித்த ஜெபம் எக்காலமும் துணை நிற்கும் வல்லமையான வாழ்வின் ஜெபம் ஆகும்

கர்த்தர் கற்பித்த ஜெபம் எக்காலமும் துணை நிற்கும் வல்லமையான வாழ்வின் ஜெபம் ஆகும்

https://www.youtube.com/watch?v=aX_PDfpc8L8

புனிதர்கள் பிராத்தனை ஜெபம் பலமளிக்கும் ஜெபம்

புனிதர்கள் பிராத்தனை  ஜெபம் பலமளிக்கும் ஜெபம்