உபவாச ஜெபம் விடுதலை தரும் ஜெபம்

உபவாச  ஜெபம் விடுதலை தரும் ஜெபம்

உபவாச  ஜெபம் விடுதலை தரும் ஜெபம். உல்லாசம் துறந்து, உணவு  மறந்து, நடை , உடை , பாவனைகளில் , எளிமை   கொண்டு, புண்ணிய  நோக்குடன் , புனிதம் தேடும் ஓர் அரிய ஜெபம்  உபவாச  ஜெபம் ஆகும். 

உடலை ஒறுத்து , மனதை நேர்படுத்தி , உள்ளத்தை இறைவன்பால் ஒன்டறிணைக்கும் ஓர்  அற்புத ஜெபம் உபவாச  ஜெபம்  ஆகும் .

தன்னலம் மறந்து , பிறர்நலம் கருதி , பிறருக்காக தவம் செய்து , இறைவனை  மன்றாடும், மன்றாட்டுச்  ஜெபம் உபவாச  ஜெபம் ஆகும் .

உன்னதத்தில் வாழும் இறைவனின் இதயத்தை, மண்ணில்  வாழும்  மைந்தன்  உருகச் செய்யும்  ஜெபம் உபவாச  ஜெபம் ஆகும் .

தன்னையே  ஒறுத்து , தான்  ஜெபிக்கும்  ஜெபத்தில்  நிலையில் நிலை நின்று தியானிக்கும் ஜெபம் உபவாச  ஜெபம் ஆகும் .

மோயிசன் உபவாச  ஜெபம் ஜெபித்தார், இஸ்ராயேல் விடுதலை பெற்றார். தாவிது  உபவாச  ஜெபம் ஜெபித்தார், பாவத்திலிருந்து விடுதலை பெற்றார்.

தானியேல் உபவாச  ஜெபம் ஜெபித்தார், எதிரிகளின் சூழ்ச்சியிலும் , சிங்கத்தின் வாயினின்றும்  விடுலை பெற்றார் . ஆண்டவராகிய  இயேசு உபவாச  ஜெபம் ஜெபித்தார், உலகை பாவத்திலிருந்து  விடுவித்தார் , அலகையின்  சூழ்ச்சிகளையும் , சோதனைகளையும் , மனித  பலவீனங்களையும்  ஜெயித்தார் . மேலும் , இயேசு  உபவாச  ஜெபத்தையும் , அதன்  பலன்களையும் , ஜெபிக்கும் முறைகளையும் , சீடர்களுக்கு  கற்றுக்கொடுத்தார் .  இன்னும் , சில  வேண்டுதல்களுக்கு  பலன்  பெற்றிட , உபவாச  ஜெபம் ஜெபிப்பது , மிகவும்  அவசியம் என்று  சீடர்களுக்கு கற்றுக்கொடுத்தார். 

இதனால் உபவாச  ஜெபம் ஓர் இன்றியமையாத  ஜெபம்  ஆகும் . இச்ஜெபம் பாவத்தையும் , பாவ சூழ்நிலைகளையும்  ஜெயிக்கும் சக்தி  தரும் அரும்மருந்தாகும்.  இச்ஜெபம்  உடலுக்கும், ஆன்மாவுக்கும் விடுதலை தரும்  ஜெபம்  ஆகும் . இஃது  தனிப்பட்ட வேண்டுதல்களுக்காக மட்டுமின்றி , குடும்பத் தேவைகளுக்காகவும் , உற்றார்  மாற்றார்  தேவைகளுக்காகவும்  ஜெபிக்க  தகுந்த  ஓர் உன்னத கருவியாகும். குறிப்பாக , இக்கால இளைய தலைமுறைகளை  வழிநடத்த , பெற்றோர்களின் உதவியான ஜெபம் உபவாச  ஜெபம் ஆகும்  என்றால் அஃது மிகையாகாது.